Monday, 10 June 2013

പൂച്ചക്കുട്ടിയെ തള്ളയില്‍ നിന്നും വേര്‍പെടുത്താമോ?



പാല്‍ കുടിക്കുന്ന പ്രായത്തില്‍ പൂച്ചക്കുട്ടിയെ തള്ളയില്‍ നിന്നും വേര്‍പെടുത്താമോ?   


                          
 സാധാരണ നമ്മുടെ നാടുകളില്‍ കണ്ടുവരുന്ന ഒരു രീതിയാണ്‌ പൂച്ചകുട്ടിയെ അല്ലെങ്കില്‍ അതിന്‍റെ തള്ളയെ മറ്റേതെങ്കിലും സ്ഥലത്തേക്ക്കൊണ്ടുപോയി കളയല്‍. ഇതിന്‍റെ ഗൗരവം മനസിലാക്കാത്തതാണ് ഈ പ്രവണതയ്ക്ക് പലരും മുതിരുന്നത്. ”മുലകുടിക്കുന്ന കുട്ടിയേയും അതിന്‍റെ തള്ളയേയും മുലകുടി അനിവാര്യമായ സമയത്ത് വില്‍പ്പന മുഖേനയോ മറ്റോ വേര്‍പ്പെടുത്തല്‍ അനുവദനീയമല്ല. ഹറാമാണ്.മുലകുടി അനിവാര്യമല്ലാതിരിക്കുകയും അതോടൊപ്പം മുലകുടി തുടരുകയും ചെയ്യുന്ന സമയം വേര്‍പെടുതല്‍കറാഹത്തുമാണ്. (അസ്നല്‍ മത്വാലിബ് )

                            
                                  ഇമാം അഹമദ്(റ) തന്‍റെ മുസ്നദിലും ബൈഹക്കി (റ ) തന്‍റെ സുനനിലും മറ്റും ഉദ്ധരിച്ച ഹദീസ്‌ കാണുക.ആരെങ്കിലും ഒരു കുട്ടിയുടേയും അതിന്‍റെ മാതാവിന്‍റെയുംഇടയില്‍ വിട്ടു പിരിച്ചാല്‍ ഖിയാമം നാളില്‍ അവന്‍റെയും അവന്‍റെ ഇഷ്ടക്കാര്‍ക്കിടയിലും അള്ളാഹു വേര്‍തിരിക്കുന്നതാണ്. ഒരു അടിമ സ്ത്രീയേയും മുലകുടിക്കുന്ന തന്‍റെ കുട്ടിയുടേയും തമ്മില്‍ വേര്‍പ്പെടുത്തിയതിന്റെ പേരില്‍ അള്ളാഹു യഅക്കൂബ്‌ നബി (അ ) യെയും തന്‍റെ മകന്‍ യൂസുഫ്‌ നബി (അ )യേയും വേര്‍പ്പെടുത്തിയ ചരിത്രം പ്രസിദ്ധമാണല്ലോ?അപ്പോള്‍ പാല്‍ കുടിക്കുന്ന പ്രായത്തില്‍ ഒരുജീവിയേയും അതിന്‍റെ മാതാവില്‍ നിന്നും വേര്‍പ്പെടുത്തരുത്.

Saturday, 8 June 2013

മയ്യിത്ത്‌ നിസ്കാരത്തിന് എങ്ങനെയാണു സ്വഫ്ഫുകെട്ടേണ്ടത്?

          


                                      മയ്യിത്ത്‌ നിസ്കാരത്തിന്
                              എങ്ങനെയാണു സ്വഫ്ഫുകെട്ടേണ്ടത്?




               മയ്യിത്ത്‌ നിസ്കാരത്തിന് എങ്ങനെയാണു സ്വഫ്ഫുകെട്ടേണ്ടത്?. ഇന്നു കണ്ടു വരുന്ന രീതിയില്‍ അടുത്തടുത്ത്‌ നിന്ന് കൊണ്ടാണോ അതോ സാതാരണ നിസ്കാരത്തില്‍ സ്വഫ്ഫു കെട്ടുന്നത് പോലെയാണോ?



            സാധാരണ നിസ്കാരത്തിനു സ്വഫ്ഫു കെട്ടുന്നത് പോലെയാണ് മയ്യിത്ത്‌ നിസ്കാരത്തിനും സ്വഫ്ഫു കെട്ടേണ്ടത്.കാരണം സുജൂദിന്റെ സ്ഥലത്തേക്ക് നോക്കല്‍ സുന്നത്താണ്.അത് മയ്യിത്ത്‌ നിസ്ക്കാരത്തില്‍ ആണെങ്കില്‍ പോലും. (ഖുര്‍ദി 1/154 , നിഹായ ,തുഹ്ഫ )എന്നാല്‍ ആളുകള്‍ കൂടുതല്‍ ഉള്ളപ്പോള്‍ സൗകര്യതിനായി ഈ സുന്നത്തിനെ ഒഴിവാക്കുന്നു.എന്നല്ലാതെ മയ്യിത്ത്‌ നിസ്ക്കാരത്തിന് ചേര്‍ന്നു നിന്നാല്‍ മാത്രമേ നിസ്ക്കാരം ശരിയാക്കൂ എന്ന നിലപാട് അബദ്ധമാണ്,
സ്വഫ്ഫ് കെട്ടേണ്ട രൂപം 


Related Posts Plugin for WordPress, Blogger...