Monday, 21 September 2015

സത്യവിശ്വാസിയുടെ ജയില്‍


സത്യവിശ്വാസിയുടെ ജയില്‍
     ഇബ്‌നു ഹജറുല്‍ അസ്‌ഖലാനി (റ) ഉദ്ധരിക്കുന്നു: ഞാന്‍ ഇസ്‌ലാമിക ശരീഅത്ത്‌ കോടതിയിലെ ചീഫ്‌ ജഡ്‌ജി പദവിയലങ്കരിക്കുമ്പോള്‍ ലഭ്യമായ പദവിയെ മാനിച്ച്‌ എന്റെ യാത്രയില്‍ വാഹനങ്ങളുടെ അകമ്പടികളും കീഴുദ്യോഗസ്ഥരുടെ സംരക്ഷണവും സഹായങ്ങളുമെല്ലായ്‌പ്പോഴുമുണ്ടായിരുന്നു. 
ഒരിക്കല്‍ എന്റെ ഔദ്യോഗിക യാത്രയില്‍ എതിരെ നിന്നും മുഷിഞ്ഞ വസ്‌ത്രം ധരിച്ച ഒരാള്‍ വരുന്നതായി ശ്രദ്ധയില്‍ പെട്ടു. 
    ജരാനരകള്‍ ബാധിച്ച അയാളുടെ ശാരീരികാവസ്ഥയില്‍ നിന്നും അദ്ദേഹത്തിന്‌ നന്നായി വിശപ്പുള്ളവനും ഭക്ഷണം കഴിച്ചിട്ട്‌ ദിവസങ്ങളായെന്നും ഒറ്റനോട്ടത്തില്‍ തന്നെ ഞാന്‍ വായിച്ചെടുത്തു. 
ചോദിച്ചറിഞ്ഞപ്പോള്‍ അയാളൊരു ജൂതമത വിശ്വാസിയാണ്‌. ഇസ്‌ലാമിക വിരോധം പാരമ്പര്യമായി ലഭിച്ച അയാള്‍ എന്നോട്‌ ചോദിച്ചു
ഏയ്‌ മുസ്‌ലിം പണ്ഡിതനേ, ദുന്‍യാവ്‌ മുസ്‌ലിമിന്‌ ജയിലും മുസ്‌ലിമേതരര്‍ക്ക്‌ സ്വര്‍ഗ്ഗവുമാണെന്ന്‌ നിങ്ങളുടെ പ്രവാചകനല്ലേ പറഞ്ഞത്‌? സത്യത്തില്‍ ജൂതനായ എന്റെ ഗതി ജയില്‍ സമാനവും താങ്കളുടേത്‌ സ്വര്‍ഗ്ഗ തുല്യവുമല്ലേ?
   ഞാന്‍ പറഞ്ഞു: ഒരു മുസ്‌ലിമിന്‌ അല്ലാഹു സ്വര്‍ഗ്ഗത്തില്‍ നല്‍കുന്ന സുഖവിശാലതകളെ താരതമ്യം ചെയ്യുമ്പോള്‍ അവന്‍ ഭൗതിക ലോകത്തനുഭവിക്കുന്ന ചെറിയ ബുദ്ധിമുട്ടുകള്‍ ജയില്‍ ജീവിതം പോലെയാണ്‌.
മറുത്തൊന്നും പറയാനില്ലാത്ത ജൂതന്‍ ഇളിഭ്യതയോടെ അവിടെ നിന്നും വഴിമാറി നടന്നു. 

No comments:

Post a Comment